बिहीबार नेप्से परिसूचक उच्च अंकले बढेको छ।
नेप्से ६४.६७ अंकले बढेर २८७७.०२ विन्दुमा बन्द भएको छ।
नेप्सेसँगै कारोबार रकम पनि अघिल्लो दिनको तुलनामा बढेको छ।
मंगलबार १२ अर्ब तीन करोड रूपैयाँको कारोबार भएकोमा बिहीबार २१ अर्ब २२ करोड रूपैयाँमा पुगेको छ।
यसदिन ३४२ वटा धितोपत्रको पाँच करोड ६९ लाख २० हजार ६०८ कित्ता सेयर किनबेच भएको हो।
बिहीबार २४० कम्पनीको सेयर मूल्य बढेको छ भने २२ वटाको घटेको छ। यस्तै, दुई कम्पनी स्थिर छन्।
यसदिन चार कम्पनीमा सकारात्मक सर्किट लागेको छ।
कर्पोरेट डेभलपमेन्ट बैंक, रिलायन्स स्पिनिङ मिल्स र साल्पा विकास बैंकको मूल्य १० प्रतिशत र सोलु हाइड्रोपावरको मूल्य ९.९९ प्रतिशतले बढेको छ।
सर्वाधिक मूल्य घट्नेमा नेपाल लाइफ समृद्धि लगानी योजना रहेको छ।
उक्त इकाइको मूल्य ५.१२ प्रतिशतले घटेर प्रति इकाइ मूल्य ९ रूपैयाँ ६३ पैसामा झरेको छ।
यसैगरी, एभरेस्ट बैंकको डिबेन्चरको मूल्य ४.३५ प्रतिशतले घटेर प्रति डिबेन्चर मूल्य एक हजार एक सय रूपैयाँमा सीमित भएको छ।
बिहीबार ङादी ग्रुपको सर्वाधिक कारोबार भएको छ।
उक्त कम्पनीको ४७४ रूपैयाँमा ६७ करोड १६ लाख रूपैयाँको कारोबार भएको छ।
यो मूल्य अघिल्लो दिनको तुलनामा ३.२७ प्रतिशत बढेको हो।
सर्वाधिक सेयर खरिद–बिक्री हुने दोस्रो सूचीमा नेसनल हाइड्रोपावर रहेको छ। उक्त कम्पनीको ३१२ रूपैयाँमा ६६ करोड ९० लाख रूपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये सबै समूहको परिसूचक बढ्दा समग्र नेप्से बढेको हो।
यसमध्ये विकास बैंक समूहको परिसूचक सर्वाधिक ३.९५ प्रतिशतले बढेको छ।
