दुबईमा भएको तेस्रो तथा अन्तिम टी-२० खेलमा शामार स्प्रिंगरको सानदार ह्याट्रिकको मद्दतले वेस्ट इन्डिजले अफगानिस्तानलाई पराजित गरेको छ।
यस जितसँगै वेस्ट इन्डिजले सिरिज ३-० ले क्लिन स्विप हुनबाट जोगाएको छ।
शामार जोसेफको स्थानमा टोलीमा आएका अलराउन्डर शामार स्प्रिंगरले १९औं ओभरमा ह्याट्रिक लिए। उनले ब्याटर रहमानुल्लाह गुरबाज, राशिद खान र शाहिदुल्लाहलाई लगातार आउट गर्दै खेल वेस्ट इन्डिजको पक्षमा मोडे। स्प्रिंगरले उक्त ओभरमा मात्र ५ रन खर्चेका थिए। उनी वेस्ट इन्डिजका लागि टी-२० मा ह्याट्रिक लिने तेस्रो खेलाडी (जेसन होल्डर र रोमारियो शेफर्डपछि) बनेका छन्।
अन्तिम ओभरमा अफगानिस्तानलाई जितका लागि १९ रन आवश्यक थियो। युवा बलर रामोन सिमन्ड्सले उत्कृष्ट योर्कर र सटिक बलिङ गर्दै वेस्ट इन्डिजलाई जित दिलाए।
१५२ रनको लक्ष्य पछ्याएको अफगानिस्तान एक समय बलियो अवस्थामा थियो। ओपनर रहमानुल्लाह गुरबाजले ७१ रनको उत्कृष्ट अर्धशतकीय पारी खेलेका थिए। इब्राहिम जद्रानले २८ रन बनाए। तर अन्त्यतिर स्प्रिंगरको घातक बलिङले अफगानिस्तानको सपना अधुरै रह्यो।
पहिले ब्याटिङ गरेको वेस्ट इन्डिजले निर्धारित २० ओभरमा मध्यम स्कोर खडा गरेको थियो। कार्यवाहक कप्तान ब्रान्डन किंगले सर्वाधिक ४७ रन बनाए। अन्त्यतिर म्याथ्यु फोर्डले ११ बलमा आक्रामक २७ रन र स्प्रिंगरले पनि ब्याटिङमा केही राम्रा सटहरू प्रहार गर्दै टोलीलाई सम्मानजनक स्थितिमा पुर्याएका थिए।
अफगानिस्तानका राशिद खानले ४ ओभरमा मात्र १३ रन दिएर २ विकेट लिए। उनी ७०० टी-२० विकेटको कीर्तिमान नजिक पुगेका छन्।
यो खेल आगामी टी-२० विश्वकपको छनोटका लागि दुवै टोलीका युवा खेलाडीहरूका लागि महत्त्वपूर्ण थियो। अब अफगानिस्तान विश्वकपका लागि भारत प्रस्थान गर्नेछ भने वेस्ट इन्डिज दक्षिण अफ्रिकासँगको सिरिजका लागि त्यसतर्फ लाग्नेछ।
