नेपाली कांग्रेसका महामन्त्री गुरूराज घिमिरेले अर्को केन्द्रीय समिति बैठकले १५ औं महाधिवेशनको कार्यतालिका ल्याउने बताएका छन्।
आज केन्द्रीय कार्यसमिति बैठकमा सहभागी हुन सानेपा आइपुगेका महामन्त्री घिमिरेले पत्रकारहरूसँग कुराकानी गर्दै अर्को केन्द्रीय समिति बैठकबाट महाधिवेशन कार्यतालिका ल्याइने बताएका हुन्।
‘यो केन्द्रीय समिति बैठक आज वा भोलि सकिन्छ, केही दिनपछि अर्को केन्द्रीय समिति बैठक बस्छ,’ उनले भने, ‘त्यो बैठकले १५ औं महाधिवेशनको कार्यतालिका ल्याउँछ।’
उनले सभापति गगन थापालाई राजीनामा फिर्ता लिन आग्रह गरिने पनि बताएका छन्। चुनावी पराजयको जिम्मेवारी लिँदै सभापति थापाले गत बुधबार राजीनामा दिएका थिए।
कांग्रेसले गत पुसमा विशेष महाधिवेशन गरेको थियो।
-1773992244.jpg)
