नेपाली कम्युनिष्ट पार्टी (नेकपा)मा सिन्धुली क्षेत्र नम्बर २ को उम्मेदवारको विषयमा विवाद भएको छ।
नेकपाका संयोजक पुष्पकमल दाहाल प्रचण्डले लेखनाथ (राजन) दाहाललाई टिकट दिएका थिए। तर असन्तुष्ट पक्षले छुट्टै उम्मेदवारी दर्ता गरेको हो।
नेकपामा नेता हरिबोल गजुरेलको प्रस्तावमा महेश्वर दाहालले मनोनयन दर्ता गराएका हुन्। महेश्वर कुनै समय प्रचण्डको सचिवालयमै बसेर काम गरेका नेता हुन्।
दाहालको प्रस्तावकमा नेता हरिबोल गजुरेल, समर्थकमा जिल्ला संयोजक पानीराज बम्जन रहेका छन्। त्यस्तै, जिल्ला इन्चार्ज बसन्त माझी पनि उम्मेदवारी दर्तामा उपस्थित भएका थिए।
उक्त क्षेत्रमा २०७९ सालमा राजन दाहाल विजयी भएका थिए।
