चितवन-१ बाट जेनजी अभियानी विकास रसाइली (स्नेहि) ले उम्मेदवारी दर्ता गराएका छन्।
उनले मंगलबार निर्वाचन अधिकृतको कार्यालय पुगेर प्रगतिशील लोकतान्त्रिक पार्टीको तर्फबाट आफ्नो उम्मेदवारी दर्ता गराएका हुन्।
पछिल्लो समय युवा पुस्ताको मुद्दा उठाउँदै आएका रसाइली जेनजी आन्दोलनको सक्रिय रहँदै आएका छन्।
उनी जेनजी मुभमेन्ट अलायन्समार्फत आन्दोलनलाई संस्थागत गर्न भूमिका खेलेका थिए।
उनी किसान आन्दोलन र मिटरब्याज पीडितहरूको न्यायका लागि हुने आन्दोलन, दलित आन्दोलन र वित्तीय शोषणमा परेकाहरूको आन्दोलनमा सक्रिय नेतृत्वदायी निर्वाह गर्दै आएका थिए।
उम्मेदवारी दर्तापछि रसाइलीले युवाहरूको प्रतिनिधित्व, जेन्जी आन्दोलनको माग, एजेन्डा कार्यान्वयन गराउन र उत्पीडित वर्ग समुदायको आवाज संसदसम्म पुर्याउन सक्रिय भूमिका निर्वाह गर्ने बताए।
-1768907709.jpg)
