राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहले बिहान ११ बजे उम्मेदवारी दर्ता गर्ने भएका छन्।
झापा-५ बाट चुनाव लड्न लागेका बालेनलाई बिहान ११ बजेको समय दिइएको मुख्य निर्वाचन अधिकृतको कार्यालयले जानकारी दिएको छ।
त्यस्तै पूर्वप्रधानमन्त्री एवम् नेकपा एमालेका अध्यक्ष केपी शर्मा ओलीलाई दिउँसो १ बजेको समय दिइएको छ।
त्यसअघि साढे १२ बजे नेपाली कम्युनिस्ट पार्टी (नेकपा)का उम्मेदवार रञ्जित तामाङलाई समय दिइएको छ।
नेपाली कांग्रेसका उम्मेदवारलाई २ बजे बोलाइएको छ।
अन्य स्वतन्त्र उम्मेदवारहरूलाई ४ बजेदेखि समय दिएको कार्यलयले जनाएको छ।
फागुन २१ गते हुने चुनावका लागि मंगलबार बिहान १० बजेदेखि साँझ ५ बजेसम्म मनोनयन दर्ताको समय तोकिएको छ।
