राष्ट्रिय स्वतन्त्र पार्टी (रास्वपा) ले रूपन्देही–२ का अन्तिममा सुलख खरेललाई उम्मेदवार बनाएको छ।
यसअघि उम्मेदवार बनाउने तय गरिएका आशिष सुवेदीको टिकट खोसिएको छ। उनलाई केही दिनअघि नै रास्वपाले टिकट दिएर निर्वाचन क्षेत्र पठाएको थियो। तर सोमबार अबेर राति उम्मेदवार परिवर्तन गर्दै सुलभ खरेलको हातमा टिकट थमाएको एक नेताले बताए।
‘अब सुलभ खरेल नै हाम्रो उम्मेदवार हो। त्यहाँका साथीहरूको पनि असन्तुष्टि थियो। त्यसलाई सम्बोधन गर्न पनि उम्मेदवार परिवर्तन गर्यौं,’ एक नेताले भने।
खरेल कानुनका विद्यार्थी हुन्। यसअघि उनी रूपन्देही–३ को उपचुनावमा पनि आन्तरिक प्रतिस्पर्धामा थिए। तर त्यहाँ डा. लेखजङ्ग थापालाई उम्मेदवार बनाउने पार्टीले निर्णय गरेपछि उनी असन्तुष्ट थिए। सुवेदीले भने बालेनका तर्फबाट टिकट पाएका थिए।
रूपन्देही–२ मा नेकपा एमालेले उपाध्यक्ष विष्णु पौडेललाई उम्मेदवार बनाउने निर्णय गरेको छ।
